حذف الحساب

1. افتح تطبيق أكاديمية Codex وسجّل الدخول بحسابك.
2. من التبويب الأخير اختر حسابي ثم تعديل الحساب.
3. انزل لقسم حذف الحساب في آخر الصفحة.
4. أكّد بكلمة المرور — أو بكتابة بريدك الإلكتروني لو بتسجّل دخول بجوجل — واضغط حذف حسابي نهائياً.

الحذف بيتم فوراً ومالوش رجعة، ومش محتاج أي موافقة أو انتظار من جانبنا.

لو مش مثبّت التطبيق، أو حسابك حساب مدرّب أو إدارة، ابعتلنا طلب حذف من نفس البريد المسجّل في حسابك على contact@codexacademy.online.

بنتحقّق إن الطلب جاي من صاحب الحساب فعلاً، وبننفّذ الحذف خلال ٣٠ يوم على الأكثر، وبنبعتلك تأكيد لما يخلص.

• بيانات الحساب: الاسم، البريد الإلكتروني، كلمة المرور، تاريخ الميلاد، رقم الهاتف، النبذة والصورة.
• تسجيلاتك في الكورسات وتقدّمك في الدروس.
• محاولات الاختبارات ودرجاتها.
• الشهادات الصادرة باسمك.
• تقييماتك للكورسات وقائمة المفضّلة.
• كل رموز تسجيل الدخول الخاصة بأجهزتك.

بنحتفظ بسجلات الدفع (المبلغ، تاريخ العملية، رقم العملية لدى بوابة الدفع) بدون ربطها بحسابك أو بأي بيانات شخصية، لأن ده مطلوب للأغراض المحاسبية والضريبية. مش هيكون فيها اسمك ولا بريدك ولا رقم تليفونك.

لو كنت مدرّب، الكورسات اللي أنشأتها بتفضل موجودة للطلاب المسجّلين فيها، بس بيتشال ارتباطها باسمك.

تفاصيل جمع البيانات واستخدامها كاملة في سياسة الخصوصية.